Ընտանեկան դպրոցը` որպես ուսումնական պարապմունքի կամ տնային աշխատանքի կազմակերպման ձև, կիրառում են՝
- դասավանդողը` իր վարած դասընթացի ծրագրով որոշված բովանդակությամբ.
- ուսումնական նախագծերի ղեկավարը (համակարգողը).
- ակումբի ղեկավարը.
- դպրոցի ղեկավարը
- Ընտանիքը, ծնողը, սովորողը։
Ընտանեկան դպրոցը կարող է գործել առկա և հեռավար՝ ընտանեկան տիրույթներում։
Առկա ընտանեկան դպրոցը՝ դասավանդող ուսուցչի առաջարկով, իր ընտրությամբ, մասնակցում է՝
- Օրացուցային նախագծերին
- Կրթահամալիրի ծեսերին
- Ուսումնական ճամբար, ճամփորդություններին
- Դպրոցի, դասավանդողի օրացույցով որոշված այլ նախագծերին
- Ընտանեկան դպրոցի առաջարկով ձևակերպված նախագծերին։
Հեռավար ընտանեկան դպրոցը կազմակերպվում է սովորողի (նրա օրինական ներկայացուցչի) դիմումի հիման վրա, որի պատճառ կարող է լինել՝
- Սովորողի, ընտանիքի հիվանդությունը
- Համաճարակային իրավիճակը
- Այլ։
Ընտանեկան դպրոցի թեման, նախագիծը հրապարակվում է վարողի կողմից։ Առցանց պարապմունքի հղումն ուղարկվում է այն սովորողներին, ում համար նախագծին մասնակցելը պարտադիր է, և կրթահամալիրի մյուս դպրոցներում սովորող հասակակիցներին, նրանց, ում կարող է հետաքրքրել։
Ընտանեկան դպրոցի ուսումնական-նախագծային գործունեությունը գրանցվում է դպրոցի էլեկտրոնային մատյանի` հեռավար-առցանց ընտանեկան դպրոց էջում։ Ընտանեկան դպրոցին սովորողի մասնակցությունը (արդյունքը) գնահատվում է դասընթացի, նախագծի, ակումբի գնահատման էլեկտրոնային մատյանում։
Ընտանեկան դպրոցի ուսումնական գործունեության արդյունքները հրապարակվում են սովորողի, դասավանդողի բլոգում, փաթեթները՝ դպրոցի կայքում։
Մանկավարժության լաբորատորիա 