Ուղեցույց

Աշոցքի սարահարթը տարածվում է Ջավախքի և Եղնախաղի լեռնավահանների միջև։ Այստեղ է սկիզբ առնում ՀՀ ամենաերկար գետը՝ Ախուրյանը։ Աշոցքում է գրանցվել հանրապետության ամենացածր ջերմաստիճանը՝ Պաղակն բնակավայր(-46 աստիճան):

Դեպի Աշոցք ճամփորդությունը հարմար է գիշերակացով և հատկապես ձմռանը: Աշոցքը ձնառատ է տարին 5 ամիս, որն էլ ձմեռային սպորտաձևերի  կենսունակության առաջին պայմանն է։  Երևան-Աշոցք երթուղին 175 կմ է՝ տևում է 3-4 ժամ: Ճանապարհները վերանորոգված են։

Այս ճամփորդությունն ունենում է երեք  բաղադրիչ՝

  • մարզական
  • հայրենագիտական
  • մշակութային:

Ուսումնասիրությունների շրջանակը․նախապատրաստական փուլ

  • Շիրակի մարզ, Աշոցք համայնք՝ հեռավոր  համայնքներ և գյուղեր
  • Աշոցք Հայաստանի ամենացուրտ բնակավայր
  • Ախուրյանի ավազանի գյուղերը
  • Ինչու՞ են սառում գետերը
  • Աշոցքի լեռնադահուկային սպորտի բազան Ծաղկաձորի այլընտրանք
  • Լեռնադահուկային սպորտի պատմությունը

Նախագծի ընթացքում ձեռք բերվող հմտություններ

Մարզական

Աշոցքի լեռնադահուկային սպորտի բազան դառնում է  ձմեռային մարզական խաղերի ստուգատեսային բաց հարթակ

  • Ձմեռային մարզական խաղեր՝ դահուկ, սահնակ, ձմեռային քայլարշավ
  • Համագործակցություն և դահուկավազքի առաջնության մասնակցություն

Հայրենագիտական

Աշոցքը գտնվում է Հայաստանի հյուսիս-արևմուտքում, Շիրակի մարզ՝ Ախուրյան գետի վերին հոսանքի ավազանում։ Բնակավայրը ծովի մակերևույթից բարձր է 2006-2039 մետր։

  • քայլք գյուղում
  • այցելություն գյուղի մատուռ

Երթուղու համար հայրենագիտական շեղվող կանգառ է Մարմաշենի վանքը՝ Ախուրյանի ափին: Հատկապես, եթե գետը սառցակալած է, դա կանգառին լրացուցիչ հմայք է տալիս և ուսումնական բաղադրիչ է ավելանում: Ինչու՞ են սառում գետերը: Դեպի Աշոցք գնացող ճանապարհից մայրուղուց թեքվում ենք ձախ՝ Գյումրու 56-րդ թաղամասի միջով: Որտեղից ցուցանակը ցույց է տալիս Մարմաշեն գնացող ճանապարհը:  Այստեղ է գտնվում նաև հանրահայտ Հեղնար աղբյուրը:

  • քայլարշավ դեպի վանք (կախված է եղանակից, եթե շատ ձյունոտ չէ)

Այս երթուղին հարմար է նաև նրանով, որ ճամփորդության երկրորդ օրը կարելի է թափառել Գյումրիում:

  • Գյումրի քաղաքը՝ մշակութային, հայրենագիտական ասպեկտում( մշակումը տես լաբորատորիայի բլոգում)

Գործընկերություն

Ճամփորդության ամփոփումը

  • Ուսումնասիրությունների, հետազոտությունների փաթեթներ
  • Լուսանկարներ, տեսանյութեր

Ճամփորդական այս ուղղությունը հարմար է Միջին և Ավագ դպրոցի, քոլեջի ուսանողների համար։

Գիշերակացի համար հարմար է և մատչելի

  • Կապս գյուղի հյուրատունը
  • Գյումրում Լոֆտ հյուրատունը

Մշակումը՝ Մարթա Ասատրյանի

Լուսանկարը՝ Անի Սարգսյանի