- Սույն կարգով կարգավորվում են «Մխիթար Սեբաստացի» կրթահամալիրում հեղինակային մանկավարժություն իրականացնող մանկավարժական աշխատողի կամավոր ատեստավորման (այսուհետ՝ ատեստավորում) կազմակերպման, անցկացման, ատեստավորման հանձնաժողովի ձևավորման, ատեստավորման արդյունքների բողոքարկման հետ կապված իրավահարաբերությունները:
- Ատեստավորման նպատակն է վերջին երեք տարում հայտատուի մանկավարժական գործունեության գնահատումը և դրա արդյունքում նրա դրույքաչափի փոփոխությունը:
- Ատեստավորմամբ հաստատվում է, որ հայտատուն իր գործի հեղինակն է, հեղինակային կրթական ծրագրի զարգացման պատասխանատուն, ստեղծագործող, հետազոտող մասնագետ, որ անընդհատ զարգացնում է իր աշխատանքային կարողությունները, մանկավարժական հմտությունները, առարկայական գիտելիքները, մտահորիզոնը։
- Մանկավարժական աշխատողն ընտրում է իր դրույքաչափի բարձրացման մի ընթացակարգ՝ սույն կարգով կամ ՀՀ ԿԳՄՍՆ կողմից կազմակերպվող։
- Ատեստավորման հանձնաժողովը կրթահամալիրի մասնաժողովն է։
- Ատեստավորման համար դիմում է կրթահամալիրում առնվազն երեք տարվա անընդհատ աշխատանքային փորձ ունեցող մանկավարժական աշխատողն (այսուհետ՝ հայտատու)։
- Դիմելու ժամանակը որոշում է հայտատուն՝ հայտ ներկայացնելով կրթահամալիրի մասնաժողովի ղեկավարին։
- Հայտը ներկայացնելու համար հայտատուն իր անհատական ուսումնական բլոգում բացում է «Կամավոր ատեստավորում» բաժին՝ այնտեղ տեղադրելով ներկայացվող նյութերը։
- Հայտատուն կազմակերպում է իր մանկավարժական գործունեության հանրային ներկայացումը։
- Մասնաժողովի անդամները մասնակցում են հայտատուի մանկավարժական գործունեության հանրային ներկայացմանը, անհրաժեշտության դեպքում ստանում լրացուցիչ պարզաբանումներ։
- Հանրային ներկայացումից հետո մասնաժողովի յուրաքանչյուր անդամ 20 աշխատանքային օրվա ընթացքում նորից ուսումնասիրում է ներկայացված նյութերը, հայտնում գրավոր, փաստարկված կարծիք։ Նյութերի ուսումնասիրությունից հետո քննարկվում են տարաձայնությունները, եթե դրանք առկա են:
- Մասնաժողովի յուրաքանչյուր անդամ գրավոր՝ էլեկտրոնային տարբերակով, մասնաժողովի ղեկավարին ներկայացնում է իր կարծիքը։
- Մասնաժողովը ներկայացված կարծիքների հիման վրա, համաձայնությամբ, ներկայացված հայտի մասին կայացնում է որոշում․
- համապատասխանում է զբաղեցրած պաշտոնին, դրույքաչափը սահմանել 250000 դրամ.
- համապատասխանում է զբաղեցրած պաշտոնին՝ առանց դրույքաչափի փոփոխության.
- չի համապատասխանում զբաղեցրած պաշտոնին։
14. Մասնաժողովը իր որոշումը գրավոր, էլեկտրոնային տարբերակով, ներկայացնում է հայտատուին և կրթահամալիրի տնօրենին։
15. Մասնաժողովի որոշման հետ համաձայն չլինելու դեպքում հայտատուն երեք աշխատանքային օրվա ընթացքում գրավոր՝ էլեկտրոնային տարբերակով, փաստարկված հիմնավորումներով դիմում է կրթահամալիրի տնօրենին և մասնաժողովի ղեկավարին։ Մասնաժողովի ղեկավարը 7 աշխատանքային օրվա ընթացքում կրթահամալիրի տնօրենին գրավոր՝ էլեկտրոնային տարբերակով, ներկայացնում է իր մեկնաբանությունները։
16. Եթե ներկայացված մեկնաբանությունները չեն բավարարում հայտատուին, կրթահամալիրի տնօրենը կրթահամալիրի առաջատար մանկավարժական աշխատողներից կազմում է 5 անձից բաղկացած բողոքարկման հանձնաժողով։
17. Բողոքարկման հանձնաժողովը յոթ աշխատանքային օրվա ընթացքում տալիս է իր եզրակացությունը, որի արդյունքում կրթահամալիրի տնօրենը կայացնում է վերջնական որոշում։
18. Կրթահամալիրի տնօրենը, 5 աշխատանքային օրվա ընթացքում, իր հրամանով սահմանում է ատեստավորում անցած մանկավարժական աշխատողի նոր դրուքաչափը՝ 5 տարի ժամկետով։
19. Կրթահամալիրից այլ դպրոց տեղափոխման արդյունքում հավելավճարը չի պահպանվում: