Կարգը փորձարկվել է 2022-23 ուսումնական տարում, որի արդյունքներով էլ լրամշակվել է
Ուսումնական նախագիծ-հետազոտական աշխատանքը (այսուհետ՝ հետազոտական աշխատանք) «Հետազոտական վարժարանի» (այսուհետ՝ Վարժարան) սովորողի ուսումնական պլանով որոշված պարտադիր ուսումնական աշխատանք է։
Սեպտեմբերի 1-15-ը սովորողները ծանոթանում են հրապարակված թեմաներին, առաջարկում են իրենց նախասիրությունների շրջանակում թեմաներ։ Թեմայի ընտրությունը կատարվում է էլեկտրոնային հայտագրմամաբ։
Թեմաները հաստատվում են համապատսխան լաբորատորիաների կողմից և ներկայացվում են դպրոցի ղեկավարին։ Այն հրապարակվում է Վարժարանի կայքի «Հետազոտական աշխատանքներ» բաժնում։
Սովորողները կատարում են էլեկտրոնային հայտագրում՝ ընտրելով հետազոտական աշխատանքի թեմա, ղեկավար։ Սովորողն իրավունք ունի առաջարկել հետազոտական աշխատանքի թեմա, որն ընդգրկված չէ դասավանդողների ներկայացրած ցուցակներում: Յուրաքանչյուր սովորող կարող է ընտրել հետազոտական աշխատանքի մեկ թեմա։
Աշխատանքի թեման սովորողն ընտրում է ուսումնական տարվա դասընթացների ծրագրերից, դպրոցի ենթակայքում դպրոցի ղեկավարի առաջարկած թեմաներից, իր ընտրությամբ դասընթացի կամ ակումբի ծրագրերից, կամ առաջարկում է այլ թեմա իր նախասիրությունների շրջանակում։ Աշխատանքը պետք է ունենա ղեկավար, որը հանդիսանում է կրթահամալիրի մանկավարժական աշխատող: Աշխատանքը սկսելուց առաջ ղեկավարի աջակցությամբ մշակվում է աշխատանքի կատարման պլան։
Դասավանդողը ներկայացնում է հետազոտական աշխատանքների խորհրդատվությունների, աշխատանքային հանդիպումների պլան։ Մի մարդը կարող է ղեկավարել 10 հետազոտական աշխատանքից ոչ ավել։ Աշխատանքների ընթացքը երևում է ղեկավարի և սովորողի բլոգում։ Դասավանդողն իրավունք ունի հրաժարվել` ղեկավարել սովորողի հետազոտական աշխատանքը։
Սովորողն իրավունք ունի փոխել աշխատանքի ղեկավարին՝ հիմնավորելով պատճառը։
Հետազոտական աշխատանքների պաշտպանությունները սկսվում են ղեկավարների հայտով՝ աշխատանքների մեկնարկից առնվազն երկու ամիս հետո։ Պաշտպանությունների օրացույցը կազմվում է յուրաքանչյուր ամսվա սկզբին։
Աշխատանքը պետք է ունենա գրախոս։ Խրախուսվում է, որ գրախոսը լինի ոչ կրթահամալիրի դասավանդող։ Կարող է լինել նաև երկու գրախոս՝ կրթահամալիրի մասնագետ և ոչ կրթահամալիրից։
Դասավանդողը յուրաքանչյուր ամիս ներկայացնում է աշխատանքների ընթացքի կատարողականը։
Պաշտպանության հանձնաժողովի կազմը
- Հետազոտական վարժարանի ղեկավար
- Լաբորատորիայի ղեկավար
- Մասնախմբի ղեկավարը և նրա որոշած կազմը
- Հրավիրյալներ
Հետազոտական աշխատանք գրելու սկզբունքները և տեխնիկական պահանջները
Սկզբունքները
- Թեմայի ընտրություն
- Նպատակի ձևակերպում
- Խնդիրների ձևակերպում
- Մեթոդաբանություն
- Աշխատանքի բովանդակություն
- Ներածություն՝ թեմայի հիմնավորում և արդիականություն,նպատակ և խնդիրներ,գործիքներ, գործնական մաս
- Հիմնական մաս՝ գլուխներ, ենթագլուխներ, գործնական մասի վերլուծություն
- Եզրակացություն և առաջարկություններ
- Օգտագործված գրականության ցանկ
- Հանրային ներկայացում
Տեխնիկական պահանջներ
- Պարտադիր քանակն ուսումնական տարվա ընթացքում. մեկ աշխատանք սովորողի ընտրած բնագավառից։
- Աշխատանքի ծավալը չի սահմանափակվում։
- Մասնագիտական օժանդակություն. խորհրդատու ուսուցիչ կամ գիտական ղեկավար (արտակրթահամալիրային), կամ երկուսը միասին սովորողի ընտրությամբ։
- Պարտադիր է նշել աղբյուրները։
- Օտարալեզու աղբյուրների օգտագործումը խրախուսվում է։
- Յուրաքանչյուր էջի ֆորմատը՝ А4 (8.27X11.69մմ), լուսանցքները։
- Տեքստի տառատեսակը՝ հայերեն՝ Sylfaen, ռուսերեն և անգլերեն՝ Times New Roman:
- Առաջին էջի վերին տողում (մեջտեղում) 11pt տառաչափով , գլխատառերով, թավ (Bold) գրվում է հոդվածի վերնագիրը։ Մեկ տող ներքևում՝ տողի աջ կողմում, 10pt տառաչափով տրվում են հեղինակ(ներ)ի անուն–ազգանունները։ Մեկ տող ներքևում՝ տողի աջ կողմում, 9pt տառաչափով, շեղատառ (Italic) գրվում է դպրոցի անունը։ Մեկ տող ներքևում՝ տողի աջ կողմում, 9pt տառաչափով գրվում է հեղինակի էլեկտրոնային փոստի հասցեն։ Մեկ տող ներքևում՝ տողի աջ կողմում, 9pt տառաչափով, շեղատառ (Italic) տրվում է գիտական ղեկավարի գիտական աստիճանը, կոչումը, անուն, ազգանունը։ Մեկ տող բաց թողնելով՝ անհրաժեշտ է ներկայացնել աշխատանքի հիմնական տեքստը, որի տառաչափը՝ 10pt, տողերի հեռավորությունը 1։ Տեքստը պետք է հավասարեցված լինի երկու կողմերից (Aligument: Justify): Պարբերությունները անհրաժեշտ է սկսել 1սմ․ խորքից՝ TAB-ի կիրառմամբ։
- Հղումները պարտադիր տրվում են տողատակում՝ 8pt տառաչափով, տողերի հեռավորությունը՝ 1։ Հղման տեքստը պետք է հավասարեցված լինի երկու կողմից (Aligument: Justify): Հղման մեջ պետք է ներկայացված լինեն օգտագործված աշխատանքի հեղինակի ազգանունը և անվան առաջին տառը (թավ տառերով Bold), այնուհետ՝ աշխատանքի վերնագիրը, հրատարակման վայրը, թվականը, օգտագործած գրականության էջը։
- Հայերեն, ռուսերեն և անգլերեն ամփոփագրերը /ռեզումե/ պարտադիր են։ Հոդվածի հիմնական տեքստից մեկ տող հետո՝ տողի մեջտեղում, 10pt տառաչափով, գլխատառերով, թավ (Bold) գրվում է հոդվածի վերնագիրը։ Մեկ տող հետո 10pt տառաչափով տրվում է հեղինակ(ներ)ի անուն–ազգանուն(ներ)ը։ Մեկ տող ներքևում գրվում է «բանալի բառեր», և նշվում է 4–6 բանալի բառ։ Մեկ տող ներքևում 60-80 բառի սահմաններում համառոտ ներկայացվում է աշխատանքի ամփոփագիրը (հիմնական էությունը, նպատակը, խնդիրները, արդյունքները)։
- Աղբյուրների տեսակները` էլեկտրոնային և տպագիր աղբյուրներ, որոնցից ոչ մեկը չի կարող գերազանցել օգտագործված աղբյուրների քանակի 2/3-ը: Հանրագիտարանային աղբյուրները վերը նշված քանակի մեջ չեն հաշվառվում: Խրախուսվում է բանավոր աղբյուրների օգտագործումը, եթե ընտրված թեման կամ հիմնախնդիրը տալիս են այդ հնարավորությունը: Բանավոր աղբյուրների քանակը չի սահմանվում և դրանց օգտագործման դեպքում այլ աղբյուրների նվազագույն քանակը չի փոփոխվում;
Գնահատում
- Հետազոտվող թեման կամ հիմնախնդիրը ներառող հանրակրթական առարկայի ծրագրով նախատեսված առավելագույն վարկանիշային միավորը տրվում է 1-2 ոչ էական թերություններ արձանագրած գրախոսության կամ համապատասխան մասնախմբի կողմից բացառիկ գնահատված պաշտպանության դեպքում;
- Հետազոտվող թեման կամ հիմնախնդիրը ներառող հանրակրթական առարկայի ծրագրով նախատեսված վարկանիշային միավորների 85-90%-ը տրվում է 3-4 ոչ էական թերություններ արձանագրած գրախոսության կամ համապատասխան մասնախմբի կողմից գերազանց գնահատված պաշտպանության դեպքում:: Այս երկու դեպքերում խորհրդատու ուսուցիչը ստանում է լրավճար:
- Հետազոտվող թեման կամ հիմնախնդիրը ներառող հանրակրթական առարկայի ծրագրով նախատեսված վարկանիշային միավորների 70-80-%-ը տրվում է 1 էական թերություն արձանագրած գրախոսության կամ համապատասխան մասնախմբի կողմից լավ գնահատված պաշտպանության դեպքում;
- Հետազոտվող թեման կամ հիմնախնդիրը ներառող հանրակրթական առարկայի ծրագրով նախատեսված կրեդիտների 50-60-%-ը տրվում է 2 էական թերություն արձանագրած գրախոսության կամ համապատասխան մասնախմբի կողմից միջին գնահատված պաշտպանության դեպքում:
- Երկուսից ավելի էական թերություն արձանագրած գրախոսության կամ համապատասխան մասնախմբի կողմից միջինի ցածր գնահատված պաշտպանության դեպքում սովորողը կրեդիտ չի ստանում: Եթե ձախողումը տեղի է ունեցել դեկտեմբերին սովորողն իրավունք ունի վերցնել նոր թեմա կամ հիմնախնդիր:
17․08․23
Մարթա Ասատրյան, Աշոտ Տիգրանյան